Palov va somsa Oʻzbekistonda juda mashhur va sevimli taomlardir. Ularning har ikkalasi ham oʻzbek madaniyati va mehmondoʻstligining ajralmas qismidir
Palov va somsa Oʻzbekistonda juda mashhur va sevimli taomlardir. Ularning har ikkalasi ham oʻzbek madaniyati va mehmondoʻstligining ajralmas qismidir.
Toshkent Kimyo xalqaro universitetiga Amerikadan kelgan talabalar bilan bu taomlarni tayyorlash boʻyicha master-klass oʻtkazildi. Tadbir orqali, ularni oʻzbek madaniyati va anʼanaviy oshxonasi bilan yaqindan tanishtirildi. Shuningdek, bu tajriba madaniyatlararo muloqot va oʻzaro tushunishni rivojlantirishga xizmat qiladi. Master-klass davomida talabalar osh va somsaning tarixi, ularning oʻzbek madaniyatidagi oʻrni va tayyorlanish usullari haqida maʼlumot olishdi hamda taomlarni olgan amaliy koʻnikmalari orqali oʻzlari tayyorlab koʻrishdi. Bu jarayon ularga oʻzbek madaniyati va anʼanaviy taomlari haqida chuqurroq bilim berdi. Ishonamizki, ushbu tajriba madaniyatlararo muloqotni mustahkamlashga xizmat qildi.
Universitetning C blok oshxonasi oshpazlari tomonidan oʻtilgan mahorat darsi doʻstona kayfiyatda, iftorlik dasturxoni atrofida yakunlandi.
