Progetto Angeli A.P.S xalqaro madaniy assotsiatsiyasi prezidenti, rassom va dizayner Aida Abdullaeva Toshkent Kimyo xalqaro universitetiga tashrif buyurdi
Progetto Angeli A.P.S xalqaro madaniy assotsiatsiyasi prezidenti, rassom va dizayner Aida Abdullaeva Toshkent Kimyo xalqaro universitetiga tashrif buyurdi. Ushbu tashrif davomida u universitetda oʻtkazilgan rang-tasvir yoʻnalishidagi koʻrgazmada ishtirok etdi. Aida Abdullaeva Italiyada Oʻzbekistonning faxriy konsuli lavozimiga nomzod boʻlib, xalqaro loyihalar tashkilotchisi sifatida faoliyat yuritadi.
Uning xalqaro loyihalar va madaniy tashabbuslarda ishtiroki Oʻzbekiston va jahon hamjamiyati oʻrtasidagi madaniy muloqotni rivojlantirishga qaratilgan. Koʻrgazmada ishtirok etish orqali u oʻzining sanʼatga oid bilim va tajribasini talabalar va sanʼat ixlosmandlari bilan oʻrtoqlashdi hamda ijodiy hamkorlikni rivojlantirishga katta hissa qoʻshdi.
Aida Abdullaeva madaniy elchi sifatida Italiya va Oʻzbekiston oʻrtasidagi aloqalarni mustahkamlash yoʻlida faoliyat yuritib kelmoqda, ayniqsa sanʼat va taʼlim sohasida hamkorlikni rivojlantirishga eʼtibor qaratmoqda.
