San Pablo CEU университетининг Монтепринцеп кампусида ўқув жараёнлари
Тошкент Кимё халқаро университети таъсисчиси, профессор Алишер Ваҳобов бошчилигидаги гуруҳ Мадрид шаҳрида жойлашган San Pablo CEU университетининг Монтепринцеп кампусида ўқув жараёнлари билан танишди.
Ушбу кампусда университетнинг муҳандислик, қурилиш, тиббиёт ва фармацевтика мактаблари жойлашган.
Доктор Паола Отеро Гомез бошчилигидаги университет жамоаси Тошкент Кимё халқаро университети вакилларини кампусдаги ўқув лабораториялари, лойиҳалар, дарс жараёнлари билан таништирди.
Учрашув давомида икки томон тиббиёт, архитектура, қурилиш каби таълим йўналишларида талабалар алмашинувини амалга ошириш, қўшма дастурлар ташкил этишда ҳамда ҳамкорликда илмий тадқиқотлар олиб бориш масалалари бўйича келишиб олди.
