Смарт туризм: рақамли технологияларнинг туризм соҳасидаги таъсири - Мобил илова ва платформаларнинг туристик тажрибага таъсири
«Реал Мадрид» ва VOSIQ халқаро мактаби: Ўзбекистон ёшлари учун янги спорт истиқболлари.
Тошкент Кимё халқаро университети таъсисчиси, профессор Алишер Ваҳобов ва университетнинг Наманган филиали директори, профессор Тўлқин Расуловнинг Испанияга ташрифи давомида дунёга машҳур «Реал Мадрид» фонди вакили, Пабло Гомес бошчилигидаги жамоа билан учрашув ўтказилди.
Учрашув чоғида таълим кластери қошидаги VOSIQ халқаро мактабларида «Реал Мадрид» клуби тайёрлов марказларини ташкил этиш масалалари ҳамда клубининг таълим соҳасидаги тажрибаси ва методикасини ўзбек таълимига татбиқ этиш, ёшлар ўртасида спортга қизиқишни ошириш ва уларнинг жисмоний тарбиясини янада ривожлантиришга хизмат қилувчи марказларни ташкил этиш каби йўналишлар бўйича лойиҳалар муҳокама этилди.
Шунингдек, мазкур марказларнинг фаолияти орқали ёшларнинг ижтимоий-маънавий ривожланишига ҳисса қўшиш имкониятлари кўриб чиқилди.
Ўзбекистон ҳамда Испания ўртасидаги таълим ва спорт соҳасидаги халқаро ҳамкорликни янада мустаҳкамлаш, ёшларнинг спорт орқали ижобий қадриятларни ўзида мужассам этган комил инсонлар сифатида етишиб чиқишига замин яратади.
