Tadqiqotchilarimiz Shvetsiyaning nufuzli Lund universitetida xalqaro ilmiy izlanishlar olib bormoqda
Ilm-fan chegara bilmaydi. Bugungi kunda korrupsiyaga qarshi kurash va shaffof boshqaruv tizimini yaratish global miqyosdagi eng dolzarb masalalardan biridir.
Ayni kunlarda “MOCCA: Markaziy Osiyoda korrupsiyaning ko‘p darajali tartiblari” xalqaro loyihasi doirasida tadqiqotchilarimiz Shvetsiyaning dunyoga mashhur Lund University’da ilmiy izlanishlar olib bormoqda:
Abdulaziz Ashurov – “Xalqaro iqtisodiyot” kafedrasi dotsenti v.b.
Amirzoda Hamrayev – “Moliya” kafedrasi dotsenti v.b.
Loyiha nima haqida?
MOCCA loyihasi Markaziy Osiyo mamlakatlarida korrupsiya bilan bog‘liq murakkab jarayonlarni tahlil qilish hamda ularni ilmiy asosda samarali boshqarish mexanizmlarini o‘rganishga qaratilgan.
Asosiy yo‘nalishlar:
– Mintaqadagi korrupsiya omillarini ilmiy jihatdan asoslash
– Yevropa tajribasi asosida shaffof boshqaruv tizimini takomillashtirish bo‘yicha takliflar ishlab chiqish
– Tadqiqot natijalarini xalqaro ilmiy nashrlarda e’lon qilish va amaliyotga joriy etish
Bunday xalqaro hamkorliklar mamlakatimizda korrupsiyaga qarshi islohotlarning ilmiy asoslarini mustahkamlash hamda tadqiqotchilarimizning xalqaro nufuzini oshirishga xizmat qiladi.
#IlmFan #XalqaroHamkorlik #LundUniversity #MOCCA #KorrupsiyagaQarshiKurash #OliyTalim
