Талаба учун энг бахтли онлардан бири бу — ҳужжат топширган грант дастуридан шахсий электрон манзилга

Талаба учун энг бахтли онлардан бири бу — ҳужжат топширган грант дастуридан шахсий электрон манзилга «Табриклаймиз, Сиз грант соҳиби бўлдингиз!», деган мактубни олиш бўлса керак. 

Тошкент шаҳридаги Ёджу техника институтининг Бизнес ва молия мактаби талабаларидан бири Аббос Эгамқулов 5 ой муддатга Словакиянинг Братислава шаҳридаги иқтисодиёт университетига ўқишига қабул қилинди. 

Ишонамизки, у ерда Аббос нафақат билим, балки турли мамлакатлардан дўстлар орттиради. Хорижий тилини мукаммаллаштиради, қадимий кутубхоналарда соатлаб дарс қилади ва албатта ўша юртнинг маданияти, тарихи ва урф - одатларини ўрганиб, тажриба орттиради. Ўз навбатида, биз Аббос Эгамқуловга улкан зафарлар тилаб қоламиз!

Сиз ҳам турли грант, 2+2 дастури ва умуман хорижда ўқиш имконияти ҳақида доимий хабардор бўлишни истасангиз, институтнинг Халқаро бўлими томонидан юритиладиган телеграм каналига аъзо бўлишни маслаҳат берамиз.