"Tez, aqlli, ishonchli: nima uchun test avtomatlashtirish kelajakdir?" mavzusida mehmon ma’ruzasi
Toshkent Kimyo xalqaro universitetining “Axborot tizimlari muhandisligi” fakulteti talabalari "Tez, aqlli, ishonchli: nima uchun test avtomatlashtirish kelajakdir?" mavzusidagi mehmon ma’ruzasida ishtirok etdilar. Ushbu dolzarb va qiziqarli ma’ruza Vention kompaniyasining sifat nazoratini avtomatlashtirish bo‘yicha yetakchi muhandisi Anastasiya Baruta tomonidan taqdim etildi. Vention — global miqyosda dasturiy ta’minot muhandisligi sohasida yetakchi kompaniyalardan biri bo‘lib, u keng miqyosli va zamonaviy texnologik standartlarga mos keluvchi innovatsion yechimlarni ishlab chiqishi bilan mashhur.
Ma’ruza davomida talabalar dasturiy ta’minotni avtomatlashtirish, sifat nazorati va ilg‘or texnologiyalar istiqbollari haqida qimmatli bilimlarga ega bo‘ldilar. Ushbu mavzu dolzarb bo‘lib, zamonaviy IT bozorida talab qilinadigan ko‘nikmalarni shakllantirishga yordam beradi.
Bu kabi ma’ruzalar talabalar uchun o‘z bilim va ko‘nikmalarini oshirish, kelajakdagi kasbiy yo‘nalishlarini belgilash va sohaga oid eng yangi tendensiyalar bilan tanishish uchun muhim imkoniyat yaratadi. Tadbir yakunida talabalar mehmon bilan fikr almashish, dolzarb masalalarni muhokama qilish va o‘z savollariga batafsil javob olish imkoniyatiga ega bo‘ldilar.
