TKXUning San’at maktabi tarkibiga kiruvchi “Liboslar dizayni”, “Chiroy estetikasi” hamda “Tasviriy san’at” kabi yo’nalishlarda hamkorlik qilishga kelishib olindi
Bugun Toshkent Kimyo xalqaro universiteti delegatsiyasi a’zolari, jumladan, universitet taʼsischisi professor Alisher Vaxobov, Koreys tili filologiyasi yoʻnalish rahbari Kim Yun Hoe, kafedra mudiri Durdona Ergasheva, hamda Koreya taʼlim markazi direktori Pang Ju Man Koreyaning nufuzli Sungshin ayollar universiteti prezidenti Li Son Geun bilan muzokaralar olib bordilar. Uchrashuv doirasida muhim memorandum imzoladi. Ushbu memorandum 2+2 dasturi boʻyicha hamkorlikni rivojlantirishga qaratilgan boʻlib, ikki universitet oʻrtasidagi ilmiy va akademik aloqalarni mustahkamlashga xizmat qiladi.
TKXUning San’at maktabi tarkibiga kiruvchi “Liboslar dizayni”, “Chiroy estetikasi” hamda “Tasviriy san’at” kabi yo’nalishlarda hamkorlik qilishga kelishib olindi.
Delegatsiya Sungshin universitetining Seuldagi yagona toʻrt yillik kosmetologiya laboratoriyasi va hamshiralar maktabining ilgʻor simulyasiya markaziga ham tashrif buyurdi. Bu tashrif davomida, tomonlar zamonaviy taʼlim texnologiyalarini oʻrganish va ulardan birgalikda foydalanish borasida kelishib olishdi. Shuningdek, kelajakda talabalar va professor-oʻqituvchilar almashinuvi, qoʻshma tadqiqotlar va yangi loyihalar ustida hamkorlik qilish niyatida ekanliklarini bildirdilar. Memorandum imzolanishi ikki tomonlama munosabatlarda yangi davrning boshlanishi boʻlib, universitetlar oʻrtasidagi yaqin hamkorlik va oʻzaro aloqalarni yanada rivojlantirishga zamin yaratadi
