Тошкент Кимё халқаро университетининг «Ахборот тизимлари муҳандислиги» йўналиши талабалари Жанубий Кореядан келган профессор-ўқитувчилар билан учрашдилар
Тошкент Кимё халқаро университетининг «Ахборот тизимлари муҳандислиги» йўналиши талабалари Жанубий Кореядан келган профессор-ўқитувчилар билан учрашдилар. Учрашув давомида профессорлар COVID-19 прогнози, сунъий интеллект, маълумотлар базалари, профилактик тиббиёт ва катта маълумотлар (Big Data) соҳаларидаги илмий тадқиқотлар ҳақида қизиқарли маълумотлар тақдим этдилар.
Хусусан, катта маълумотлар таҳлили ва сунъий интеллектнинг тиббиётдаги қўлланиши ҳақидаги маълумотлар талабаларда катта қизиқиш уйғотди.
Учрашув нафақат янги билим олиш, балки Корея ва Ўзбекистон олимлари ўртасидаги ҳамкорликни ривожлантириш учун замин яратиши билан ҳам аҳамиятли бўлди.
Тошкент Кимё халқаро университети ва Жанубий Корея илмий ҳамжамияти ўртасидаги ҳамкорлик келгусида катта ютуқларни таъминлаши кутилмоқда.
