Toshkent Kimyo Xalqaro Universiteti delegatsiyasi AQShda moliya va investitsiya sohasida xalqaro hamkorlikni kengaytirmoqda
🔹 18-fevral kuni Toshkent Kimyo Xalqaro Universitetining AQShdagi delegatsiyasi moliya, investitsiya, biznes va sugʻurta sohalaridagi yetakchi mutaxassislar bilan uchrashib, kelajakdagi hamkorlik masalalarini muhokama qildilar.
Fidelity Investments: Jahon investitsiya bozorining yetakchisi bilan uchrashuv
Tashrif 15,1 trillion AQSh dollariga teng aktivlarni boshqaruvchi Fidelity Investments investitsiya kompaniyasida boshlandi. Ushbu kompaniya jahon moliya bozoridagi eng yirik va ishonchli investitsiya fondlaridan biri hisoblanadi.
💬 Fidelity Investments kompaniyasining menejeri Mr. Emanuel delegatsiya aʼzolariga:
✅ Investitsiya fondlarining ishlash tamoyillari;
✅ Aktivlarni diversifikatsiya qilish strategiyalari;
✅ Uzoq muddatli investitsiyalardan barqaror daromad olish yoʻllari;
✅ Global investitsiya bozori tendensiyalari haqida batafsil maʼlumot taqdim etdi.
Bu uchrashuv universitet vakillari uchun nafaqat nazariy bilim, balki amaliy tavsiyalar olish imkonini berdi.
Delegatsiya keyingi uchrashuvni The Partnership Group investitsiya va sugʻurta kompaniyasi rahbariyati bilan oʻtkazdi.
Uchrashuv davomida:
📌 Kompaniya direktor oʻrinbosari Mr. Jake Shafer va investitsiyalar boʻyicha menejer Mr. John S. Wolley bilan AQShning moliya, sugʻurta va bank tizimidagi ilgʻor tajribalari muhokama qilindi.
📌 Universitet va kompaniya oʻrtasida qoʻshma loyihalar ishlab chiqish va innovatsion moliyaviy texnologiyalar boʻyicha hamkorlik qilish boʻyicha dastlabki kelishuvga erishildi.
Ushbu muloqot Toshkent Kimyo xalqaro universitetining moliya va investitsiya sohasida xalqaro hamkorlik imkoniyatlarini kengaytirishiga xizmat qiladi.
