Toshkent Kimyo xalqaro universiteti professor-oʻqituvchilarining Polshadagi malaka oshirish dasturi oz nihoyasiga yetdi
Bugun, 20 avgust kuni, universitetimiz professor – oʻqituvchilari uchun Polshaning Varshava shahridagi WSB Merito universitetida tashkil etilgan “Ta’lim berishning zamonaviy uslublari” mavzusidagi malaka oshirish dasturi yakuniga yetdi. Eslatib oʻtamiz, dasturda 40 nafar ustozlarimiz rus tili, aniq fanlar, ijtimoiy – gumanitar fanlar, informatsion texnologiyalar, amaliy informatika, maktabgacha va boshlangʻich ta’lim, pedagogika va psixologiya, tarix yoʻnalishlarida ta’lim berish mutaxassisligi boyicha malalaka oshirdilar. Delegatsiyaga Hamkorlikni rivojlantirish boʻlimi boshligʻi Miryoqub Mirzaxmedov koordinatorlik qildi. 144 soatga moʻljallangan kurs polshalik va Evropaning boshqa yetakchi davlatlaridan kelgan mutaxassislar tomonidan olib borildi. Kurs tinglovchilarning oʻz mutaxassisliklari boʻyicha nazariy va amaliy bilimlarini oshirishga qaratildi.
Dasturnig rasmiy yopilish marosimga Oʻzbekiston Respublikasining Poʻlsha Respublikasidagi Favqulodda va Muxtor elchisi Amirsaid Agzamkhodjaev tashrif buyurdi. Muhtaram Elchi janoblari oʻz nutqiqida dastur ishtirokchilari va tashkilotchilarini ushbu loyihaning muvaqqiyatli yakunlangani bilan samimiy tabrikladi. Polsha Oʻzbekistonnig Evropadagi strategik hamkori ekanligi va bu kabi professor-oʻqituvchilar hamda talabalar almashinuv dasturlari kelgusida koʻproq amalga oshirilishi lozimligini ta’kidlab oʻtdi. Shu borada Elchixona tegishi barcha koʻmakni berishga tayyorligini bildirdi. WSB Merito – Warsaw universiteti rahbari prof. Piotr Olaf Żylicz ushbu xalqaro malaka oshirish dasturi keng qamrovli maqsadlarga yoʻnaltirilgani va koʻzlangan ijobiy natija berganini ta’kidlab otdi. Shu bilan birga, loyiha Oʻzbekiston va Polsha davlalatlari oʻrtasida ta’lim sohasidagi xalqaro hamkorlikni yanada rivojlantirishiga xizmat qilishiga ishonch bildirdi. Oʻz navbatida, Miryoqub Mirzaxmedov Oʻzbekiston Respublikasinig Polsha Respublikasidagi Favqulodda va Muxtor elchisi boshiligidagi jamoasi, WSB Merito – Warsaw universiteti rahbariyati va barcha dastur tashkilotchilariga Toshkent Kimyo xalqaro universiteti rahbariyati nomidan samiymiy minnatdorchilik bildirib, tinglovchilar dastur davomida oʻz professional malakalarini boyitganliklari va Evropada ta’lim berishning tamonaviy uslublari va texnologiyari haqida olgan bilim, malaka va koʻnikmalari Toshkent Kimyo xalqaro universitetida ta’lim berish sifatini oshirishga xizmat qilishini ta’kidlab oʻtdi. Tadbir yakunida dastur qatnashchilariga xalqaro darajadagi sertifikatlar taqdim etildi.
