Toshkent Kimyo xalqaro universiteti talabalari Janubiy Koreyada 2+2 dasturi bo‘yicha muvaffaqiyatli o‘qishni yakunladilar!
Toshkent Kimyo xalqaro universiteti o‘z talabalari uchun xalqaro miqyosda sifatli ta’lim olish imkoniyatlarini yaratishda davom etmoqda. Universitetimiz tomonidan Janubiy Koreyaga 2+2 dasturi asosida tahsil olish uchun yuborilgan ilk talabalarimiz bakalavr dasturini muvaffaqiyatli yakunlab, diplomlarini qo‘lga kiritdilar!
Xususan, Janubiy Koreyaning nufuzli Hankyong milliy universitetining "Arxitektura va shaharsozlik" yo‘nalishida tahsil olgan Nabiyev Ahmadjon va Orifjonov Muhriddin, o‘z o‘qishlarini yuqori natijalar bilan tamomlab, bakalavr diplomlariga ega bo‘ldilar. Ularning bu yutuqlari nafaqat ularning shaxsiy muvaffaqiyati, balki Toshkent Kimyo xalqaro universitetining xalqaro hamkorlik sohasidagi muvaffaqiyatli faoliyatining yana bir yorqin namunasi bo‘ldi.
Bu yutuq talabalarning bilim olish yo‘lida qat’iyatli mehnat qilganliklarining yaqqol isboti bo‘lib, ular nafaqat o‘zlari uchun, balki universitetimiz nufuzi uchun ham ulkan g‘urur va iftixor bag‘ishlaydi. Toshkent Kimyo xalqaro universiteti kelgusida ham xalqaro dasturlar doirasida ko‘plab talabalarga yuksak marralarga erishish imkoniyatini taqdim etishdan mamnun.
O‘zlarining mehnatlari va intilishlari bilan yuksak natijalarga erishgan talabalarga kelgusi faoliyatlarida ham ulkan zafarlar tilaymiz!
