Toshkent Kimyo xalqaro universiteti (TKXU) va Janubiy Koreyaning Gachon universiteti oʻrtasida tuzilgan qoʻshma dastur
Toshkent Kimyo xalqaro universiteti (TKXU) va Janubiy Koreyaning Gachon universiteti oʻrtasida tuzilgan qoʻshma dastur doirasida TKXU talabalari Janubiy Koreyada taʼlim olish imkoniyatiga ega boʻlmoqda. Bu dastur nafaqat talabalarning bilim va koʻnikmalarini oshirishga, balki ularning xalqaro tajriba orttirishiga ham katta imkoniyat yaratmoqda.
Yaqinda universitetimizning Koreya filologiyasi yoʻnalishi dekani va kafedra mudiri Janubiy Koreyaga xizmat safari amalalga oshirdilar. Ushbu tashrifning asosiy maqsadi — talabalarimizning taʼlim jarayonini kuzatish, ularning yashash sharoitlari bilan tanishish va ularning muvaffaqiyatlari haqida maʼlumot olish edi.TKXU talabalari Gachon universitetida yuqori natijalarga erishmoqda. Ular o‘z bilimlarini oshirib, turli ilmiy loyihalarda ishtirok etishmoqda va xalqaro miqyosda muvaffaqiyat qozonishmoqda.
