Toshkent Kimyo xalqaro universiteti va “Leader online” MChJ o‘rtasida ta’lim va pedagogika sohasida strategik hamkorlik yo‘lga qo‘yildi
2025 yil 20 may kuni Toshkent Kimyo xalqaro universitetida “Leader online” (onlayn maktab) bilan hamkorlik to‘g‘risida rasmiy memorandum imzolash marosimi bo‘lib o‘tdi. Ushbu hujjat ta’lim, fan va professional rivojlanish yo‘nalishlarida uzoq muddatli, o‘zaro manfaatli va samarali hamkorlikni yo‘lga qo‘yish maqsadida imzolandi.
Memorandumga muvofiq, tomonlar quyidagi yo‘nalishlarda hamkorlik qilishni rejalashtirmoqda:
• talabalar uchun amaliyot va stajirovkalarni tashkil etish;
• mentorlik va ustoz-shogird dasturlarini joriy etish;
• onlayn ta’lim sohasidagi dolzarb mavzularga bag‘ishlangan vebinarlar, ochiq ma’ruzalar va davra suhbatlarini o‘tkazish;
• o‘quvchilarga oliy ta’lim imkoniyatlarini targ‘ib qilishga qaratilgan loyihalarni ishlab chiqish;
• o‘qituvchilar malakasini oshirish bo‘yicha qo‘shma seminarlar va treninglar tashkil etish.
Mazkur strategik hamkorlik Toshkent Kimyo xalqaro universitetining amaliy ta’limga asoslangan yondashuvini yanada mustahkamlab, talabalarga real ish sharoitida tajriba orttirish imkonini beradi.
