Toshkent Kimyo xalqaro universiteti vakillarining Janubiy Koreyadagi xizmat safari davom etmoqda
Toshkent Kimyo xalqaro universiteti vakillarining Janubiy Koreyadagi xizmat safari davom etmoqda. Bugun Hankyong milliy universiteti rektori Lee Wonhee bilan uchrashuv boʻlib oʻtdi. Uchrashuvda Hyundai Rotem kompaniyasi vitse-prezidenti Jong-Chil Chae ham ishtirok etib, delegatsiya bilan uchrashish uchun maxsus kelganini va universitetlar oʻrtasida hamkorlik aloqalarining rivojlanayotganidan xursand ekanligini maʼlum qildi. Shuningdek, hamkor universitet rahbari taʼlim muassasasida tashkil etilgan innovatsion markazlar faoliyati, talabalarga yaratilgan shart-sharoitlar bilan tanishtirdi. Oʻzaro hamkorlik va ilgʻor tajriba masalalari muhokama qilib olinganidan soʻng, Toshkent Kimyo xalqaro universitetining “2+2” va “1+3” dasturlari boʻyicha ushbu universitetda tahsil olayotgan talabalari bilan ochiq muloqot boʻlib oʻtdi.
