Toshkent Kimyo xalqaro universitetida bitiruvchilar uchun an’anaviy mehnat yarmarkasi o‘tkazildi.
Toshkent Kimyo xalqaro universitetida bitiruvchi talabalar uchun an’anaviy mehnat yarmarkasi tashkil qilindi. Tadbirda O‘zbekistonning 50 ga yaqin yetakchi kompaniyalari ishtirok etib, talabalar va bitiruvchilarga ish va amaliyot imkoniyatlarini taqdim etdilar.
Yarmarka doirasida universitetning mavjud yo‘nalishlari bo‘yicha ko‘rgazmalar, muhandislarning innovatsion ishlanmalari, rassomlarning ijod namunalari, liboslar dizayni ko‘rgazmalari, shuningdek, loyihalar taqdimotlari bo‘lib o‘tdi. Tadbir yakunida “Benom” guruhi tomonidan konsert dasturi namoyish etildi.
Shuningdek, yarmarka davomida foydali ma’ruzalar va seminarlar tashkil qilindi. “Chiroy estetikasi” yo‘nalishi tomonidan vrach-diyetolog G. Xasanova vitamin D ning inson salomatligidagi o‘rni haqida ma’ruza taqdim etdi. Bitiruvchilar uchun samarali CV yozish, intervyudan muvaffaqiyatli o‘tish bo‘yicha maxsus taqdimotlar ham o‘tkazildi.
Ushbu yarmarka bitiruvchilarga kasbiy yo‘nalishlarini belgilash, ish beruvchilar bilan bevosita uchrashish va mehnat bozorida o‘z o‘rnini topish uchun keng imkoniyat yaratdi.
