Toshkent Kimyo xalqaro universitetida ilk bor raqamli tibbiyot hamda travmatologiya va ortopediya yo‘nalishlarini birlashtirgan PhD dissertatsiyasining rasmiy himoyasi o‘tkazildi.
Toshkent Kimyo xalqaro universitetida ilk bor raqamli tibbiyot hamda travmatologiya va ortopediya yo‘nalishlarini birlashtirgan PhD dissertatsiyasining rasmiy himoyasi o‘tkazildi.
2025 yil 12 dekabr kuni universitet huzuridagi Ilmiy kengashda yosh tadqiqotchi Mirzayev Akbarjon Baxrom o‘g‘li “Koronavirusdan keyingi son boshchasi aseptik nekrozini erta davrda jarrohlik yo‘li bilan davolashni takomillashtirish” mavzusidagi dissertatsiya ishini muvaffaqiyatli himoya qildi.
Tadqiqot COVID-19 kasalligidan keyin ayrim bemorlarda uchraydigan og‘ir asorat — son boshchasi aseptik nekrozi muammosiga bag‘ishlangan. Ilmiy ishda ushbu kasallikni erta aniqlash, shuningdek, zamonaviy jarrohlik usullari va raqamli tibbiyot imkoniyatlari orqali samarali davolash yo‘llari taklif etildi.
Mutaxassislar ta’kidlashicha, tadqiqot natijalari tibbiyot amaliyoti uchun juda muhim bo‘lib, kelgusida ko‘plab bemorlar hayot sifatini yaxshilashga xizmat qilishi mumkin.
Ilmiy kengash a’zolari va sohaning yetakchi mutaxassislari tomonidan dissertatsiya ishi yuqori baholandi va Mirzayev Akbarjon Baxrom o‘g‘liga tibbiyot fanlari bo‘yicha PhD ilmiy darajasi berish haqida ijobiy qaror qabul qilindi.
Mazkur himoya Toshkent Kimyo xalqaro universitetining nafaqat ta’lim, balki ilm-fan va zamonaviy tibbiyotni rivojlantirishdagi nufuzi tobora oshib borayotganini yana bir bor namoyon etdi.
