Toshkent Kimyo xalqaro universitetining “Bank ishi” mutaxassisligi boʻyicha 3-kurs talabalariga 2023 yil 15 may kuni “Trast muomala” MChJda “Islom banki” fani boʻyicha sayyor dars oʻtkazildi

Ushbu darsdan maqsad - talabalarni mamlakatimiz uchun yangi boʻlgan islom banki amaliyoti bilan tanishtirish hisoblanadi. Bunda ular “Islom banki” fanida oʻrgangan islom moliya xizmatlarini joriy etilishi bilan tanishishdi. Xususan, “Trast muomalat” MChJning direktori Ibadov Muxammadfayoz Maxamadvafayevich talabalarga islom moliyasining ijara va murobaha xizmatlarini mijozlarga koʻrsatish tartibini tushuntirdi. Talabalar jismoniy shaxslarga avtomobilni ijaraga berish va murobaha orqali sotish, shuningdek, tadbirkorlarga uskunalarni murobaha xizmatini koʻrsatish amaliyoti, shartnomalarni tuzish tartibi va ularning oʻziga xos xususiyatlari bilan qiziqishdi.