Toshkent Kimyo xalqaro universitetining “Chiroy estetikasi” yoʻnalishi talabalari uchun amaliy darslar qiziqarli va mazmunli tarzda tashkil etildi
Toshkent Kimyo xalqaro universitetining “Chiroy estetikasi” yoʻnalishi talabalari uchun amaliy darslar qiziqarli va mazmunli tarzda tashkil etildi.
Ushbu darslarda Latviyaning Riga shahridan tashrif buyurgan malakali shifokor, nutritsiolog, tibbiyot fanlari nomzodi Tereza Belkova va Guna Xavensone ishtirok etdilar.
Darslar davomida mutaxassislar talabalarga zamonaviy kosmetika mahsulotlari va ularning inson salomatligiga ijobiy taʼsirlari haqida batafsil maʼlumot berib, ularning amaliy koʻnikmalarini rivojlantirdilar. Talabalar nafaqat nazariy bilimlarga ega boʻldilar, balki amaliy mashgʻulotlarda ham ishtirok etdilar. Master-klasslar talabalarning chuqur eʼtiborini tortib, ularning kelgusidagi kasbiy rivojlanishiga turtki boʻldi.
Mutaxassislarning tashrifi davomida universitetning kafedra va laboratoriyalari bilan yaqindan tanishish imkoniyati ham yaratildi. Ushbu kafedra sharoitlari va talabalarning bilim olishlari uchun yaratilgan imkoniyatlar latviyalik mehmonlarida katta taassurot qoldirdi.
