Toshkent Kimyo xalqaro universitetining Innovatsiya va ilmiy ishlar boʼyicha prorektori prof. Jamshid Kaniev boshchiligidagi delegatsiya aʼzolari Turkiyaning Karabuk Universiteti (KBU) rektori prof.Dr.Refik Poʻlat bilan uchrashdi
Uchrashuvda Karabuk universitetining prorektorlari prof.Dr.Mustafo Yaşar va Prof.Dr.Mücahit Coshkun, Xalqaro aloqalar boʼlimi koordinatorlari Oya Chepni Önalan va Adnan Ucur hamrohlik qilishdi.
Karabuk universiteti rektori Prof. Dr.Refik Poʼlat mehmonlarni koʼrganligidan mamnunligini bildirib: “Oʻzbekiston bilan juda yaxshi munosabatlarimiz bor, Oʻzbekistonga soʼnggi safarimiz davomida koʼplab universitetlarda boʼldik. Turkiy davlatlar bilan akademik hamkorlikka doimo katta ahamiyat beramiz. Oʻzbekiston bilan har qanday hamkorlikka ochiqmiz. Hamkorlikda amalga oshiradigan loyihalarimiz orqali ilmiy salohiyatni va sifatni yanada oshirishimiz mumkin”, - deb taʼkidladi.
Toshkent Kimyo xalqaro universitetining prorektori Prof. Jamshid Kaniev universitetda mavjud yoʻnalishlar, labaratoriya ishlanmalari va amalga oshirilayotgan loyihalar haqida gapirar ekan: “Rejalarimiz orasida muhandislik sohasida Turkiyadagi universitetlar bilan hamkorlik qilish ham bor. Yaqinda Gedik universitetiga tashrif buyurdik. U yerda ham Karabuk universiteti haqida koʼp iliq gaplar eshitdik, umidimiz kelajakda hamkorligimiz koʻlamini kengaytirish”, - dedi.
Hozirgi kunda xorijiy oʻqituvchi va mutaxassislarni oʻquv jarayoniga jalb qilish boʻyicha ham xorijiy sheriklar bilan hamkorlikka katta eʼtibor qaratilmoqda.
Muharrir: Res. Qarang. Fatma Sena YAMAN / Yangiliklar: Yasin ALDEMİR/ Surat: Erdal CHITAK / Kamera: Mahmut GÜMÜŞ, Korporativ aloqa markazi koordinatori (KİMER) tomonidan Turk tilidan oʻzbek tiliga tarjima qilindi.
