Toshkent shahridagi Kimyo xalqaro universiteti professor - o‘qituvchilarining Polshadagi malaka oshirish dasturi davom etmoqda
Toshkent shahridagi Kimyo xalqaro universiteti professor - o‘qituvchilarining Polshadagi malaka oshirish dasturi davom etmoqda
Avval xabar berganimizdek, universitetning 40 nafar professor – o‘qituvchilari ayni paytda Varshava shahridagi WSB Merito universitetida malaka oshirmoqdalar. Dastur muddati ikki haftaga mo‘ljallangan bo‘lib, 144 o‘quv soatlarini o‘z ichiga oladi. Dasturning birinchi yarmida tinglovchilar bir qancha polshalik professorlarning ma‘ruzalarini tingladilar va amaliy mashg‘ulotlarida qatnashdilar. Jumladan, professorlar Jan Solarz, Olena Gorokhovska, Lukasz Rozenfeld, Tomasz Branka “Evropa ta’lim tizimi”, “Ta’lim berish jarayonlarini raqamlashtirish va avtomatlashtirish” va “Zamonaviy o‘quv qo‘llanmalarini ishlab chiqishquv kabi dolzarb mavzular bo‘icha ma’ruza o‘qidilar va o’z tajribalari bilan o‘rtoqlashdilar.
Auditoriya mashg‘ulotlaridan tashqari, delegatsiya a’zolari Kopernik ilmiy markazi va planetariysi hamda Varshava davlat universitetining kutubxonasiga tashrif buyurdilar. Tashrif davomida tinglovchilar amaliy ilm – fan sohasidagi yangiliklat va ilg‘or tajribalar bilan tanishdilar.
