Turkiyaning Karabük universitetida “Arxitektura va shaharsozlik” yoʻnalishi professor- oʻqituvchilari malaka oshirishmoqdalar
Turkiyaning Karabük universitetida “Arxitektura va shaharsozlik” yoʻnalishi professor- oʻqituvchilari malaka oshirishmoqdalar.
Toshkent Kimyo xalqaro universitetining professor-oʻqituvchilari Turkiyaning Karabük universitetida malaka oshirish dasturida ishtirok etmoqdalar. Ushbu malaka oshirish dasturi ikki tomonlama hamkorlik doirasida tashkil etilgan boʻlib, arxitektura va shaharsozlik sohalarida zamonaviy bilim va tajribalarni oʻzlashtirishga qaratilgan.
Malaka oshirish dasturi doirasida professor-oʻqituvchilar Turkiyaning yetakchi mutaxassislari tomonidan olib borilayotgan ilmiy-amaliy seminarlar, mahorat darslari va laboratoriya ishlari bilan tanishmoqdalar. Ushbu mashgʻulotlar davomida ishtirokchilar yangi texnologiyalar va innovatsion yechimlar, shuningdek, ekologik barqarorlik va energetika samaradorligi kabi muhim mavzular boʻyicha chuqur bilim olishmoqda.
Malaka oshirish dasturi doirasida professor-oʻqituvchilar Turkiyaning yirik shaharlarida joylashgan arxitektura va shaharsozlik inshootlarini koʻzdan kechirish, ularning loyihalash jarayonlari va texnik talablari bilan tanishish imkoniyatiga ega boʻldilar.
Mazkur malaka oshirish dasturi professor oʻqituvchilarga nafaqat ilmiy-amaliy bilim va koʻnikmalarni oshirish, balki Turkiyaning boy madaniyati va tarixiy merosi bilan yaqindan tanishish imkonini ham berdi. Bu esa, shubhasiz, ularning kelgusidagi ilmiy va pedagogik faoliyatida katta ahamiyat kasb etadi.
