Umirov Karim rahbarligida P.Benkov nomidagi Respublika rassomlik maktabida “Rangtasvir” yoʻnalishi talabalarining ijodiy ishlari koʻrgazmasi boʻlib oʻtdi
Umirov Karim rahbarligida P.Benkov nomidagi Respublika rassomlik maktabida “Rangtasvir” yoʻnalishi talabalarining ijodiy ishlari koʻrgazmasi boʻlib oʻtdi.
Toshkent Kimyo xalqaro universitetining “Rangtasvir” yo'nalishi 2-kurs talabalarining koʻrgazmasi P.Benkov nomidagi Respublika rassomlik maktabida oʻtkazildi. Koʻrgazma oʻtkaziladigan joy tasodifan tanlanmagan. Respublika rassomlik bilim yurti Oʻzbekiston hududidagi birinchi sanʼat muassasasidir. Oʻzbekistonning koʻplab taniqli ijodkorlari shu maktab bitiruvchilari hisoblanadi. Umirov Karim ham shu maktab bitiruvchisi. Bugun esa u Oʻzbekistondagi birinchi xususiy oliy oʻquv yurti – Toshkent Kimyo xalqaro universitetida taʼlim olayotgan shogirdlarining ijod namunalarini faxr bilan taqdim etmoqda. Koʻrgazma ustoz va shogird anʼanalarini davomiyligining yaqqol namunasi boʻlib xizmat qiladi. Shuningdek, u sanʼat maktabining “Rassomlik” fakulteti oʻquvchilariga badiiy taʼlim darajasi va sifati haqida tushuncha beradi.
Mazkur tadbirning tashkil etilishi taʼlim muassasalari oʻrtasidagi hamkorlikni yanada rivojlantirishga xizmat qiladi. Shuningdek, sanʼat maktabining iqtidorli oʻquvchilarini kelajakda TKXUga (KIUT) imtiyoz asosda oʻqishga kirishlari va grant olish imkoninini beruvchi memorandum imzolanishiga ham sabab boʻldi.
