UzAuto-Inzi zavodiga ekskursiya uyushtirdilar
Mamlakatimizning ishlab chiqarish korxonalari bugungi kunda yuqori texnologiyalarni joriy etish va modernizatsiya qilish yoʻnalishida faol ishlamoqda. Xususan, taʼlimning amaliy komponentlarini kuchaytirish maqsadida Toshkent Kimyo xalqaro universitetining menejment yoʻnalishi 4-bosqich talabalari “Raqamli ishlab chiqarish va dizayn texnologiyalari” fani boʻyicha nazariy bilimlarini mustahkamlash uchun UzAuto-Inzi zavodiga ekskursiya uyushtirdilar.
Mazkur tashrif davomida talabalarga ishlab chiqarish jarayonlari, zamonaviy texnologiyalarni qoʻllash va innovatsion yondashuvlar haqida batafsil maʼlumot berildi. Zavod rahbariyati va xodimlari oʻz tajribasi bilan oʻrtoqlashib, ishlab chiqarishning turli bosqichlari va mahsulot sifatini taʼminlash usullari haqida amaliy koʻnikmalarni taqdim etdilar.
Ushbu imkoniyatni taqdim etgani va amaliy yordam koʻrsatgani uchun zavod rahbariyati hamda xodimlariga chuqur minnatdorlik bildiramiz.
