UzAUTO Motors Powertrain motor zavodi
Toshkent Kimyo xalqaro universiteti Muhandislik maktabining 4-kurs talabalari Oʻzbekistonning ikki asosiy sanoat korxonalari - UzAUTO Motors Powertrain motor zavodi va Toshkent metallurgiya zavodiga tashrif buyurdilar.
Tashrifdan ko‘zlangan maqsad ilg‘or texnologiyalar va ishlab chiqarish jarayonlari bilan amalda yaqindan tanishish edi. UzAUTO Motors Powertrain kompaniyasiga ekskursiya davomida talabalar zamonaviy dvigatellarning butun ishlab chiqarish siklini ko‘rish imkoniga ega bo‘ldilar. Korxona mutaxassislari ishlab chiqarish jarayonida qo‘llanilayotgan eng yangi muhandislik yechimlari haqida gapirib, ishlab chiqarish liniyalarini avtomatlashtirish va robotlashtirish masalalariga alohida e’tibor qaratdilar. Bu talabalarga ma’ruza mashg‘ulotlarida olingan nazariy bilimlarning hayotda qo‘llanilishini ko‘rish uchun ajoyib imkoniyat yaratdi.
Ikkinchi bekat mamlakatimizdagi eng yirik va zamonaviy metallurgiya korxonalaridan biri bo‘lgan Toshkent metallurgiya zavodi (TMZ) bo‘ldi. Bu yerda talabalar metallni qayta ishlash jarayonlari va turli sohalarda qo‘llaniladigan yuqori sifatli metall buyumlar ishlab chiqarish bilan tanishdilar. Ekskursiya quyish va prokat bo‘limlariga tashrifni o‘z ichiga oldi, u yerda bo‘lajak muhandislar metallning xom ashyodan tayyor mahsulotgacha bo‘lgan butun yo‘lini bevosita kuzatish imkonoiyatiga ega bo‘ldilar.
Universitet zamonaviy sanoat talablariga tayyor, yuqori malakali mutaxassislarni tayyorlash maqsadida O‘zbekistonning yetakchi korxonalari bilan hamkorlikni rivojlantirishda davom etadi.
