Vention kompaniyasi bilan hamkorlik
Toshkent Kimyo xalqaro universiteti dasturiy ta’minot ishlab chiqish va innovatsion texnologiyalar sohasida jahon yetakchilaridan biri Vention kompaniyasi bilan hamkorlik memorandumini imzoladi. Mazkur hamkorlik universitet uchun, xususan, zamonaviy texnologiyalarni o‘quv jarayoniga integratsiya qilish va talabalarning amaliy mashg‘ulotlarini o‘tkazishda yangi imkoniyatlarni ochadi.
Bitim asosini innovatsiyalar yo‘nalishida ham ta’lim, ham ishlab chiqarish sohalarini qamrab oluvchi qo‘shma loyihalar tashkil etadi. Ushbu hamkorlik talabalarga dunyodagi eng dinamik va texnologik ilg‘or kompaniyalardan birida amaliy mashg‘ulotlar va stajirovka o‘tashlari uchun ajoyib imkoniyatlar ochadi.
Bundan tashqari, memorandum iqtidorli talabalar va ilmiy-pedagogik kadrlarni shakllantirishga qaratilgan amaliy mashg‘ulotlar, stajirovka va o‘quv tadbirlarini tashkil etishni nazarda tutadi. Shartnomaning muhim elementi oʻqish va amaliyot orqali oʻzini koʻrsatgan bitiruvchilarni ishga joylashtirishni qoʻllab-quvvatlash, ularga Vention kompaniyasida karyera boshlash imkoniyatini berishdan iborat.
Ushbu strategik hamkorlik universitetning xalqaro mutaxassislarni tayyorlaydigan yetakchi ta’lim muassasalaridan biri sifatidagi mavqeini mustahkamlaydi, talabalar uchun axborot texnologiyalari va innovatsiyalar sohasida imkoniyatlar yaratadi.
