Yosh ixtirochi bilan uchrashuv: TKXU ilm-fan va innovatsiyalarni qoʻllab-quvvatlaydi

Yosh ixtirochi bilan uchrashuv: TKXU ilm-fan va innovatsiyalarni qoʻllab-quvvatlaydi

Yosh ixtirochi bilan uchrashuv: TKXU ilm-fan va innovatsiyalarni qoʻllab-quvvatlaydi

Toshkent Kimyo xalqaro universiteti (TKXU) ilm-fan va innovatsiyalar yoʻlida faol harakat qilishda davom etmoqda. 1-mart kuni universitetimizning Innovatsiya va ilmiy ishlar boʻyicha prorektori J. Kaniev hamda “Bank ishi va buxgalteriya hisobi” kafedrasi mudiri F. Dodiev “Zayed Sustainability Prize” tanlovining gʻolibi, Prezident maktabining 9-sinf oʻquvchisi Ashrapov Asilbek Shuxrat oʻgʻli bilan uchrashishdi.

A. Ashrapov “Global High Schools” (Global maktablar) yoʻnalishida 156 ta davlatdan kelgan 5980 nafar nomzod orasida 1-oʻrinni egallashga muvaffaq boʻldi! U yomgʻir suvini qayta ishlash va uni ichishga yaroqli holga keltirish boʻyicha loyihasi bilan Abu-Dabida boʻlib oʻtgan tanlovda gʻoliblikni qoʻlga kiritdi. Bu loyiha nafaqat ekologik muammolarni hal qilish, balki barqaror rivojlanish tamoyillariga ham mosligi bilan eʼtiborga loyiqdir.

TKXU prorektori J. Kaniev bu yutuqning yosh avlod uchun katta ilhom manbai ekanligini taʼkidlab, ilm-fan va texnologiyalar rivojisiz zamonaviy davlat taraqqiy eta olmasligini qayd etdi. Shuningdek, Asilbekning kelajakdagi loyihalarini amalga oshirishda TKXU oʻzining har tomonlama qoʻllab-quvvatlashini bildirdi.