Yozgi ta’til — yangi ilmiy izlanishlar uchun imkoniyat.
Kimyo International University Tibbiyot maktabining 3-bosqich talabalari imtihon sessiyasini a’lo baholarga yakunlab, yozgi ta’tilni samarali o‘tkazishga qaror qildilar. Ular Mikrobiologiya kafedrasi laboratoriyasida ilmiy-tadqiqot ishlarini boshladilar.
Stomatologiya yo‘nalishi talabalari E’zoza Shuxratova va Ruxsora Abdumajidova qora choyning og‘iz bo‘shlig‘i mikroflorasiga ta’sirini o‘rganmoqda. Tadqiqot doirasida ular talabalardan namunalar olib, mikrobiologik tahlillarni amalga oshirmoqda.
Davolash ishi yo‘nalishi talabalari Mehriniso Abdullayeva va Samina Bakiyeva esa talabalar mobil telefonlaridagi bakterial ifloslanish darajasini tadqiq qilmoqda.
Ilmiy rahbar Hilola Erkinovna Ergasheva boshchiligida talabalar ozuqa muhitlarini mustaqil tayyorlaydi, mikroorganizmlarni ekadi, namunalar oladi hamda zamonaviy mikrobiologik laboratoriya usullarini amaliyotda qo‘llamoqda.
Bunday ilmiy faoliyat bo‘lajak shifokor va stomatologlarga nazariy bilimlarini amaliyot bilan mustahkamlash, ilmiy tadqiqot olib borish ko‘nikmalarini rivojlantirish hamda kasbiy tajriba orttirish imkonini bermoqda.
