Yozuvchi, shoir, tarjimon, adabiyotshunos olim va professor Ulugʻbek Hamdam bilan ijodiy uchrashuv tashkil qilindi

“Maktabgacha va boshlangʻich taʼlim metodikasi” kafedrasi tomonidan 27 fevral kuni “Boshlangʻich taʼlim” yoʻnalishi talabalariga yozuvchi, shoir, tarjimon, adabiyotshunos olim va professor Ulugʻbek Hamdam bilan ijodiy uchrashuv tashkil qilindi.
Ulugʻbek Hamdam 1968 yil, 24 aprelda Andijon viloyatining Marhamat tumanida tugʻilgan.
Muallifning “Tangriga eltguvchi isyon” (2002), “Atirgul” (2006), “Seni kutdim” (2007) sheʼriy hamda “Yolgʻizlik” (2000), “Muvozanat” (2003), “Isyon va itoat” (2004) kabi nasriy asarlari nashr etilgan. Ilmiy asarlar toʻplami ham bor (“Badiiy tafakkur tadriji”, 2003; “Yangilanish ehtiyoji”, 2007). Jaloliddin Rumiyning “Ichindagi ichindadir” (2001) nomli asarini oʻzbek tiliga tarjima qilgan.
Tadbir soʻngida talabalar va professor-oʻqituvchilar tomonidan savollar berildi. Qiziqarli maʼlumotlar bilan oʻrtoqlashildi.