Ўзбеккосмос
«Ўзбеккосмос» агентлиги ва Тошкент шаҳридаги Ёджу техника институти ҳамкорлиги доирасида ташкил этилган танловдан муваффақиятли ўтган талабаларимиз Москвада грант асосида таҳсил оладилар.
Ўзбекистон Республикаси Вазирлар Маҳкамаси ҳузуридаги Космик тадқиқотлар ва технологиялар агентлиги институтнинг бир гуруҳ талабаларига Москва авиация институтининг магистратура дастурида ўқишлари учун грант ажратди. Грант соҳиблари институтнинг Муҳандислик мактаби таркибига кирувчи йўналишларнинг битирувчи талабалари орасидан бир неча босқичли танлов асосида саралаб олинди. Ушбу лойиҳа мақсади - илғор аэрокосмик тизимлар, транспорт воситалари, интеллектуал ҳамда мобил робототехника воситаларининг динамикаси ва бошқарув тизимларини математик ва компьютер моделлаштириш соҳасидаги мутахассисларни тайёрлашдан иборат. Таклиф этилаётган магистратура дастури доирасида талабалар қуйидаги йўналишлар бўйича замонавий билимларга эга бўладилар:
• мураккаб тизимлар динамикасини математик моделлаштириш;
• мехатроник тизимлар ҳаракатини компьютерда моделлаштириш ва визуаллаштириш;
• 3D технологиялари асосидаги объектга йўналтирилган дастурлаш;
• мехатроник тизимларда бошқариш.