Davolash ishi
Davolash ishi taʼlim yoʼnalishi – sogʼliqni saqlash sohasidagi yoʼnalish boʼlib, u tibbiyot sohasini rivojlantirishga, istiqbolini belgilashga, kasbiy koʼnikmaga, mutasaddilik qobiliyatiga yoʼnaltirilgan inson faoliyatining vositalari, usullari, uslublarining majmuasini qamrab oladi.
Davolash ishi yoʼnalishi tibbiyotning eng nufuzli yoʼnalishlaridan biri boʼlib bu yoʼnalishda mamlakatimizda bu yoʼnalish boʼyicha kadrlar 100 yildan ortiq vaqt mobaynida tayyorlab kelinadi.
Oʼquv dastur maqsadi
Talabalarga tibbiyotning fundamental, klinikoldi va klinik fanlari boʻyicha chuqur nazariy va amaliy bilim hamda koʻnikmalar berish. Umumiy amaliyot shifokorini tayyorlash.
Natija
6 yillik oʻquv dasturini oʻzlashtirganlaridan soʻng bitiruvchilar umumiy amaliyot shifokori diplomiga ega boʻladilar.
Bitiruvchilar taʼlimni magistraturada 70 dan ortiq mutaxassisliklar boʻyicha davom ettirishlari mumkin boʻladi.
Bakalavriat davrining oʻquv dasturi:
1-2 kurslarda talabalar tibbiy-biologik fanlar (odam anatomiyasi, tibbiy kimyo, tibbiy biologiya, gistologiya, normal fiziologiya, tibbiyot kasbiga kirish va b.)
3-4 kurslarda talabalar klinikoldi va klinik fanlar (patologik anatomiya, patologik fiziologiya, farmakologiya, ichki kasalliklar propedevtikasi, bolalar kasalliklari propedevtikasi, pediatriya, gematologiya, tibbiy psixologiya va b.)
5-6 kurslarda talabalar mutaxassislik fanlari (gospital jarrohlik, gospital terapiya, akusherlik va ginekologiya, oftalmologiya, otorinolaringologiya, psixiatriya, klinik farmakologiya, xirurgik kasalliklar, ichki kasalliklar va b.)dan tahsil oladilar.
Davolash ishi taʼlim yoʼnalishi boʼyicha bakalavr kasbiy tayyorgarlikdan keyin:
- Аkusherlik va ginekologiya
Endokrinologiya
Terapiya (yoʻnalishlar boʻyicha)
Otorinolaringologiya
Kardiologiya
Oftalmologiya
Yuqumli kasalliklar (yoʻnalishlar boʻyicha)
Dermatovenerologiya
Nevrologiya
Umumiy onkologiya
Psixiatriya
Xirurgiya (yo‘nalishlar bo‘yicha)
Tashxisning instrumental va funksional usullari (yo‘nalishlar bo‘yicha)
Neyroxirurgiya
Sog‘liqni saqlashni boshqarish (yo‘nalishlar bo‘yicha)
Tibbiy psixologiya
Urologiya
Morfologiya (yo‘nalishlar bo‘yicha)
Narkologiya
Аnesteziologiya va reanimatologiya
Travmatologiya va ortopediya
Oilaviy tibbiyot
Sud tibbiyot ekspertizasi
Patologik anatomiya
Shoshilinch tibbiy yordam
Farmakologiya mutaxassisliklari bo‘yicha magistratura hamda klinik ordinaturada ikki yildan kam bo‘lmagan muddatda o‘qishni davom ettirish mumkin.
Shuningdek, oʻrnatilgan tartibda mustaqil tadqiqotchi sifatida ilmiy tadqiqot olib borish mumkin.
Kirish talablari
Toshkent Kimyo xalqaro universitetida quyidagi talablarni bajargan holda o’qishni boshlashingiz mumkin bo’ladi.
Avval admission.kiut.uz saytida ro'yxatdan o'tishingiz kerak bo’ladi.
Qabul uchun zarur hujjatlar:
- Pasport nusxasi (rangli)
- Litsey/kollej/litseydan diplom/ma’lumotnoma nusxasi (rangli)
- Oxirgi 3 oy ichida olingan elektron fotosurat - 3,5 sm × 4,5 sm
- Yuqorida sanab o‘tilgan barcha zarur hujjatlar elektron (skanerlangan) ko‘rinishda admission.kiut.uz saytiga yuklanishi kerak (har bir hujjat JPEG yoki PNG formatida hajmi 2 MB dan, oshmasligi kerak).
Chet tilini bilish sertifikati IELTS/TOEFL faqat ingliz tili guruhida tahsil olishingiz uchun kerak bo’ladi.
Kirish imtihon fanlari - Biologiya, ximiya va ona tili va adabiyoti.
