Be Smart! Be Skilled! Be Professional!
Hurmatli Ustozlar, mehmonlar va qadrli talabalar!
Avvalambor, barchangizni Kimyo Toshkent xalqaro universiteti nomidan qutlashga ijozat bersangiz.
Hozirda Oʻzbekiston Respublikasi Prezidenti Shavkat Miromonovich Mirziyoyev rahbarligida yurtimizda oliy taʼlim sohasida jadal islohotlar olib borilmoqda. Buning yaqqol dalili sifatida Oʻzbekiston Respublikasi Prezidentining 2019-yil 8-oktyabrdagi “Oʻzbekiston Respublikasi oliy taʼlim tizimini 2030-yilgacha rivojlantirish konsepsiyasini tasdiqlash toʻgʻrisida”gi PF-5847-sonli farmonini koʻrsatish mumkin. Davlatimiz rahbari tomonidan oliy taʼlim tizimida davlat-xususiy sheriklikni rivojlantirish, hududlarda davlat va nodavlat oliy taʼlim tashkilotlari faoliyatini tashkil etish asosida oliy taʼlimga qamrab olish darajasini 50 foizdan oshirish, sogʻlom raqobat muhitini yaratishga alohida eʼtibor qaratilmoqda. Mamlakatimizda nodavlat oliy taʼlim xizmatlari sohasini rivojlantirish borasida amalga oshirilayotgan islohotlar tufayli respublikamizda bir qator nodavlat oliy taʼlim muassasalari, jumladan, universitetimiz – Kimyo Toshkent xalqaro universiteti toʻliq faoliyat koʻrsatmoqda.
Toshkent Kimyo xalqaro universiteti ilk bor Toshkent shahridagi Yеodju texnika instituti nomi bilan O‘zbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspektsiyasining 24.07.2018y №OT 0002 (033297) davlat litsenziyasi hamda O‘zbekiston Respublikasi Vazirlar Mahkamasining 17.12.2019y №1007 qarori asosida mamlakatdagi birinchi xususiy oliy taʼlim muassasasi sifatida tashkil etilgan.
