Rangtasvir
Rangtasvir - tasviriy sanʼatning bir turi boʻlib, real olamdagi buyum va hodisalarni boʻyoqlar yordamida ifodalab beradi.
Rassomlik - bu yaxshi tasavvur, ilhom va rasm chizish texnikasini oʻzlashtirishni talab qiladigan ijodiy murakkab jarayon.
Bizning dasturimiz asosida talabalar Akademik Qalam tasvir, Rangtasvir va Kompozitsiya boʻyicha fundamental bilimlar oladilar. Grafik dizayn va haykaltaroshlik asoslarini oʻrganadilar. Sanʼat tarixi va zamonaviy sanʼat sohalarida nazariy va amaliy bilimlarga ega boʻladilar. Rangtasvir metodologiyasi va Art marketing kurslarini oʻtadilar.
Ishga joylashish imkoniyatlari:
Taʼlim yakunidan soʻng bitiruvchi oʻz badiiy asarlarini yaratish va namoyish etish imkoniyatiga ega boʻladi. Olgan bilim va koʻnikmalarini madaniyat, sanʼat va dizayn sohalarida qoʻllay oladi, shuningdek, taʼlim sohasida faoliyat koʻrsatish imkoniga ega boʻladi.
Qabul:
Rangtasvir taʼlim yoʻnalishining kunduzgi taʼlim shakliga oʻqishga kiruvchi abituriyentlar kasbiy (ijodiy) imtihon topshirish tartibi: “Qalamtasvir” — 100 ball; “Rangtasvir” — 100 ball; “Kompozitsiya” – 100 ball. Kompozitsiyaning mavzusi abituriyent tomonidan bilet tanlash yoʻli orqali belgilanadi.
Qalamtasvir fani boʻyicha abituriyent turli yumshoqlikdagi (H, HB, B v.h.) qalamda ishlaydi. Аbituriyent qoʻyilgan odam portretini planshetda toʻgʻri joylashtirishi, proporsiya qonuniyatlarini inobatga olgan holda odam portretini toʻgʻri qurishi, detallardagi yorugʻ-soyalarni ishlash orqali hajmiy-fazoviy perspektivani koʻrsatishi, ishni talab darajasida yakunlash uchun baʼzi detallarni maromiga yetkazib ishlashi lozim. “Qalamtasvir” fani boʻyicha topshiriqni 40x55 sm hajmdagi planshetda bajarishi talab etiladi.
Rangtasvir fani boʻyicha abituriyent moy boʻyoq, akvarel, guash, tempera, akril boʻyoq texnikalaridan foydalangan holda ishlaydi. Qoʻyilgan odam portreti 40x55sm oʻlchamdagi qogʻozi planshet yoki xolst yuzasiga toʻgʻri joylashtirilgan boʻlishi lozim. Odam portreti tasviriy sanʼatdagi odam portretini toʻgʻri qurish boʻyicha mavjud qoidalarini inobatga olgan holda ishlanishi hamda rangli yechimida ranglar mutanosibligini toʻgʻri qoʻllashi talab etiladi. Ish tugallangan boʻlishi va bajarilgan ishda talabgorning rangtasvir texnikasidan yaxshi foydalana olish koʻnikmasi mavjudligi sezilib turishi lozim.
Kompozitsiya fani boʻyicha abituriyent moy boʻyoq, akvarel, guash, tempera, akrillarda ishlaydi. Kompozitsiya mavzu jihatidan original topilganligi, asarning kompozitsion gʻoyaviy mazmuni, badiiy va gʻoyaviy ifodada ranglardan toʻgʻri foydalanganligi, obrazlar plastik yechim orqali topilganligi, tasviriy sanʼat sohasiga mosligi, kompozitsiyadagi mutanosibligi toʻgʻri topilgani, mavzuning mazmuni, maʼnosi hamda ranglar uygʻunligi, ishlash mahorati va ishning tugallanganlik darajasi talab etiladi.
«Rangtasvir» taʼlim yoʼnalishining kunduzgi taʼlim turiga oʼqishga kiruvchi abiturientlar kasbiy (ijodiy) imtihon topshirish tartibi: «Qalamtasvir» - 100 ball; «Rangtasvir» - 100 ball; «Kompozitsiya» – 100 ball. Kompozitsiyaning mavzusi abiturient tomonidan bilet tanlash yoʼli orqali belgilanadi.
|
# |
Fan nomi |
Berilgan topshiriq |
Berilgan vaqt |
|
1. |
Qalamtasvir |
Odam portreti |
3 soat (180 daqiqa) |
|
2. |
Rangtasvir |
Odam portreti |
3 soat (180 daqiqa) |
|
3. |
Kompozitsiya |
Berilgan vazifa va mavzu asosida maxsus kompozitsiya yaratish |
3 soat (180 daqiqa) |
|
|
|
|
|
|
«Qalamtasvir» fani boʼyicha abiturient turli yumshoqlikdagi (H, HB, B v.h.) qalamda ishlaydi. Аbiturient qoʼyilgan odam portretini planshetda toʼgʼri joylashtirishi, proportsiya qonuniyatlarini inobatga olgan holda odam portretini toʼgʼri qurishi, detallardagi yorugʼ-soyalarni ishlash orqali hajmiy-fazoviy perspektivani koʼrsatishi, ishni talab darajasida yakunlash uchun baʼzi detallarni maromiga yetkazib ishlashi lozim. «Qalamtasvir» fani boʼyicha topshiriqni 40x55 sm hajmdagi planshetga bajarishi talab etiladi.
«Rangtasvir» fani boʼyicha abiturient moy boʼyoq, akvarel, guash, tempera, akril boʼyoq texnikalaridan foydalangan holda ishlaydi. Qoʼyilgan odam portreti 40x55sm oʼlchamdagi qogʼozli planshet yoki xolst yuzasiga toʼgʼri joylashtirilgan boʼlishi lozim. Odam portreti tasviriy sanʼatdagi odam portretini toʼgʼri qurish boʼyicha mavjud qoidalarini inobatga olgan holda ishlanishi hamda rangli yechimida ranglar mutanosibligini toʼgʼri qoʼllashi talab etiladi. Ish tugallangan boʼlishi va bajarilgan ishda talabgarning rangtasvir texnikasidan yaxshi foydalana olish koʼnikmasi mavjudligi sezilib turishi lozim.
«Kompozitsiya» fani boʼyicha abiturient moy boʼyoq, akvarel, guash, tempera, akril ashyolarida ishlaydi. Kompozitsiya mavzu jihatidan original topilganligi, asarning kompozitsion gʼoyaviy mazmuni, badiiy va gʼoyaviy ifodada ranglardan toʼgʼri foydalanganligi, obrazlar plastik yechim orqali topilganligi, tasviriy sanʼat sohasiga mosligi, kompozitsiyadagi mutanosibligi toʼgʼri topilgani, mavzuning mazmuni, maʼnosi hamda ranglar uygʼunligi, ishlash mahorati va ishning tugallanganlik darajasi talab etiladi.
