Bakalavr dasturlari

Psixologiya

Psixologiya ta'lim yo'nalishi bo‘yicha bakalavrlar tayyorlash kunduzgi, kechki va sirtqi ta'lim shakllarida amalga oshiriladi. Barcha ta'lim shakllari bo‘yicha o‘qitish kredit-modul tizimi asosida tashkil etiladi (oliy harbiy ta'lim muassasalari bundan mustasno). Kunduzgi ta'lim shaklida bakalavriat dasturining me'yoriy muddati 4 yilni tashkil etadi.

Psixologiya — ijtimoiy va xulq-atvorga mansub fanlar ta'lim sohasidagi yo‘nalish bo‘lib, maktabgacha ta'lim, umumiy o‘rta, o‘rta maxsus va professional ta'limning davlat hamda nodavlat muassasalarida; ta'lim muassasalarida mazkur yo‘nalishga oid fanlarni o‘qitish; ommaviy axborot vositalari, davlat va mahalliy boshqaruv organlari, turli mulk shaklidagi sanoat va biznes tashkilotlarida faoliyat yuritish; xususiy psixologik xizmat ko‘rsatish markazlarida psixologik yordam ko‘rsatish; O‘quvchilarni kasb-hunarga yo‘naltirish va psixologik-pedagogik respublika tashxis markazida psixodiagnostik tadbirlar tashkil etish; o‘zini o‘zi boshqarish organlari, “Oila va gender” ilmiy-tadqiqot institutida; reabilitatsiya markazlarida, sport jamoalarida psixologik xizmat ko‘rsatish; Mudofaa vazirligi tasarrufidagi harbiy bo‘limlarda va huquqni muhofaza qilish idoralarida psixologik yordam ko‘rsatish bilan bog‘liq kompleks masalalar majmuasini qamrab oladi.