Dotsent Dodiyev Fozil Oʻtkurovich
Oʻzbekistonda energiya tejamkor qishloq uylarini rivojlantirishni qoʻllab-quvvatlash, energiya sarfini minimallashtirish uchun barqaror materiallar va texnologiyalardan foydalangan holda uylar qurish tashabbusi dolzarb masalalardan biridir. Bu saʼy-harakatlar aholi uchun qulaylikni taʼminlagan holda innovatsion binolar konstruksiyalari, izolyatsiyalash texnikasi va energiya tejovchi qurilmalarni joriy etishga qaratilgan.
“Bank ishi va buxgalteriya hisobi” kafedrasi mudiri, dotsent Dodiyev Fozil Oʻtkurovich BMT ning Taraqqiyot dasturi va Global ekologik jamgʻarma hamda Oʻzbekiston Respublikasi qurilish va uy-joy kommunal xoʻjaligi vazirligi tashabbusi bilan tashkil qilingan “Oʻzbekistonda energiya samarador qishloq uylarini qurilishini rivojlantirishga koʻmaklashish” qoʻshma loyihasida milliy konsultant boʻlib ishtirok etdi.
Loyiha doirasida mamlakatimiz hududlarida mahalla fuqarolar yigʻini, oila va xotin-qizlar qoʻmitasi, hokimiyat, hududiy elektr tarmoqlari, issiq suv taʼminoti va boshqalarga qayta tiklanuvchi energiya manbalari va energiya tejovchi texnologiyalar, ularning afzalliklari va ularni oʻrnatishga global ekologik jamgʻarma tomonidan beriladigan subsidiyalar toʻgʻrisida seminar treninglar oʻtkazildi.
