Ispaniyaning Gedepsa reklama va konsalting kompaniyasining bosh direktori Alejandro Pastrana Molero Toshkent Kimyo xalqaro universitetiga tashrif buyurdi
Joriy ilning 13 mart kuni Ispaniyaning Gedepsa reklama va konsalting kompaniyasining bosh direktori Alejandro Pastrana Molero Toshkent Kimyo xalqaro universitetiga tashrif buyurdi. Uning tashrifi bir qator muhim hamkorlik yoʻnalishlarini oʻz ichiga oldi, jumladan, hamkorlik memorandumini imzolanishi, talabalar almashinuvi, Gedepsa kompaniyasida talabalar amaliyotini tashkil etish va birgalikda grant dasturlarida ishtirok etish.
Gedepsa kompaniyasi Vengriya, Chexiya, Qozogʻiston, Armaniston va Gruziyada oʻz ofislariga ega va suv-ekologiya, qishloq xoʻjaligi hamda ta’lim sohalarida ishlaydigan yirik Ispaniya kompaniyalari bilan birgalikda loyihalarni amalga oshiradi.
Gedepsa bilan memorandum imzolash bizning munosabatlarimizni mustahkamlash va talabalar hamda tadqiqot dasturlarimiz uchun yangi imkoniyatlar yaratishning muhim bir qadami hisoblanadi. Biz bu hamkorlik bilan bilim, tajriba va innovatsiyalarning oʻ`zaro almashinuvi kabi yaxshi natijalarga erishishimizga ishonchimiz komil.
