Kelajak avlodlar uchun yangi imkoniyatlar: Toshkent Kimyo xalqaro universiteti va poytaxtimizning umumtaʼlim maktablari oʻrtasidagi hamkorlik
Kelajak avlodlar uchun yangi imkoniyatlar: Toshkent Kimyo xalqaro universiteti va poytaxtimizning umumtaʼlim maktablari oʻrtasidagi hamkorlik.
Maktab va universitetlar oʻrtasidagi hamkorlik, talabalar va oʻquvchilarning ijtimoiy integratsiyasini yaxshilaydi. Universitet talabalari maktablarda mentorlik qilishi yoki oʻquvchilarga turli fanlardan koʻnikmalarini oshirishda yordam berishi mumkin, bu esa oʻquvchilarning ijtimoiy masʼuliyat hissini oshiradi. Universitetlar maktab oʻquvchilari uchun maxsus dasturlar va kurslarni taklif qilishi mumkin, bu esa ularning universitet hayotiga tayyorgarlik koʻrishlariga va kelajakdagi kasb tanlashlarida aniqroq yoʻnalish berishi mumkin.
Bugun Toshkent Kimyo xalqaro universitetida “Boshlangʻich taʼlim” yoʻnalishi talabalarining oʻquv-uslubiy, maʼnaviy-maʼrifiy jarayonlarda hamkorlikni yoʻlga qoʻyish, xususan, diplom oldi malakaviy amaliyotlarini tashkil etish maqsadida seminar tashkil etildi. Unda maktab taʼlimini rivojlantirish boʻyicha tuman rahbarlari va qator davlat umumtaʼlim maktablari hamda xususiy taʼlim muassasalari rahbarlari ishtirok etdilar. Yigʻilish chogʻida fan va amaliyot uygʻunligini taʼminlash borasida fikrlar almashildi, universitet talabalarining mazkur umumtaʼlim tashkilotlarida amaliyot jarayonini tashkil etish masalalarida takliflar bildirildi. Seminar yakunida tomonlar oʻrtasida oʻzaro hamkorlik memorandumlari imzolandi.
Xulosa qilganda, maktab va universitetlar oʻrtasidagi hamkorlik, taʼlim tizimining sifatini yaxshilash, talabalar va oʻquvchilarning bilim darajasini oshirish hamda ularni kelajakdagi kasbiy faoliyatlariga tayyorlashda muhim rol oʻynaydi. Ushbu hamkorlikning muvaffaqiyatli amalga oshirilishi, taʼlim tizimida yangi imkoniyatlar yaratadi va kelajak avlodlarining yaxshiroq taʼlim olishlarini taʼminlaydi.
