KIUT delegatsiyasi Yaponiyaning Dragon kompaniyasiga tashrif buyurdi
Toshkent Kimyo xalqaro universiteti (KIUT) delegatsiyasi Yaponiyaning Naogya shahrida joylashgan “Dragon” kompaniyasiga tashrif buyurdi. Zamonaviy qurilish materiallarini ishlab chiqaruvchi va patentlangan texnologiyalarga ega ushbu korxona butun Yaponiya bo‘ylab keng qo‘llaniladigan mahsulotlari bilan mashhur. KIUT delegatsiyasini kompaniya prezidenti samimiy kutib olib, ishlab chiqarish jarayonlari va innovatsion mahsulotlar bilan yaqindan tanishtirdi.
Tashrif davomida KIUT va “Dragon” kompaniyasi o‘rtasida hamkorlik istiqbollari muhokama qilindi. Muzokaralar chog‘ida:
✅ Universitet auditoriyalarida kompaniya mahsulotlaridan foydalanish;
✅ “Qurilish” yo‘nalishi bitiruvchi talabalarining amaliyot o‘tashi;
✅ Mutaxassislar tajriba almashinuvi va o‘quv dasturlarini boyitish kabi masalalar yuzasidan kelishuvlarga erishildi.
Tashrif natijasida talabalarning xalqaro darajadagi amaliy tajriba orttirishi, kasbiy mahoratini oshirishi va ish bilan ta’minlanish imkoniyatlarini kengaytirish bo‘yicha ilk qadamlar tashlandi. Ushbu hamkorlik mamlakatimiz qurilish sohasi uchun yuqori malakali mutaxassislar tayyorlashda muhim ahamiyat kasb etadi.
