OTMlar oʻrtasida “Talabalar teatr studiyalari” tanlovining universitetlararo hududiy bosqichida talabalarimiz faxrli 2-oʻrinni qoʻlga kiritishdi

24 fevral kuni Oʻzbekiston Respublikasidagi oliy taʼlim muassasalari “Talabalar teatr studiyalari” tanlovining universitetlararo hududiy bosqichida ishtirok etayotgan Toshkent Kimyo xalqaro universiteti talaba-yoshlari tomonidan namoyish etilgan Uygʻun qalamiga mansub “Parvona” spektakli faxrli 2-oʻringa munosib koʻrildi. Shuningdek, mazkur tanlovda P.Qodirovning “Yulduzli tunlar” (Oʻzbekiston xalqaro islom akademiyasi), M.Abdullayevaning “Dadajon demasman” (Oʻzbek tili va adabiyoti universiteti), A.Ismaylovning “Tebranmas yuraklar” (Toshkent kimyo - texnologiya instituti tomonidan) kabi asar va pyesalari ham namoyish etildi.