Toshkent Kimyo xalqaro universiteti moda va dizayn yo‘nalishidagi ta’lim dasturlarini faol rivojlantirmoqda va bu jarayondagi asosiy vositalardan biri CLO 3D dasturidir
Toshkent Kimyo xalqaro universiteti moda va dizayn yo‘nalishidagi ta’lim dasturlarini faol rivojlantirmoqda va bu jarayondagi asosiy vositalardan biri CLO 3D dasturidir. Uch yil avval CLO bilan hamkorlikni yo‘lga qo‘ygandan buyon universitet ilg‘or texnologiyalarni o‘quv jarayoniga integratsiyalash imkoniyatiga ega bo‘ldi, bu esa kadrlar tayyorlash sifatini sezilarli darajada oshirdi.
CLO 3D - bu dizaynerlarga liboslarning virtual modellarini yaratish va ishlab chiqarishdan avval ularning uslubi va funksionalligini tahlil qilish imkonini beruvchi ilg‘or 3D modellashtirish imkoniyatini beruvchi dasturdir.
Dastur matolar, teksturalar va bichimlarni simulyatsiya qilish uchun keng imkoniyatlarni taqdim etadi, bu esa dizaynerlarga o‘z loyihalarini real vaqtda qanday ko‘rinishini ko‘rish imkonini beradi. CLO 3D talabalarga tayyor kiyim qanday ko‘rinishini yaxshiroq tushunish uchun batafsil 3D modellarni yaratishga imkon beradi. Bu, ayniqsa, liboslar dizayni yo‘nalishi talabalari uchun juda muhimdir, chunki ular libos yararishning dastlabki bosqichlarida o‘z g‘oyalarini tasavvur qilishlari va xatolarni tuzatishlari mumkin. CLO 3D dan foydalanish namunalar yaratish uchun zarur bo‘lgan vaqtni sezilarli darajada qisqartiradi. Talabalar nafaqat vaqtni, balki moddiy resurslarni ham tejab, amalda modellarni tikmasdan, turli materiallar va uslublarni sinab ko‘rishlari mumkin. CLO 3D bilan ishlash bo‘yicha bilim talabalarga mehnat bozorida raqobatdosh ustunlik beradi. Zamonaviy texnologiyalardan foydalanish qobiliyati moda sanoatidagi ish beruvchilar uchun muhim mezonga aylandi. CLO 3D bilan tanish bo‘lgan talabalar o‘qish paytidayoq o‘zlarining qobiliyatlari va g‘oyalarini potentsial ish beruvchilarga namoyish etishlari mumkin.
Ta’lim jarayoni doirasida Toshkent Kimyo xalqaro universiteti talabalari moda va to‘qimachilik dizayni bilan bog‘liq turli kurslarda CLO 3D dan foydalanmoqda. Dastur quyidagi o‘quv kurslarga faol integratsiya qilingan:
• Moda dizayni: Talabalar o‘z g‘oyalarini modellashtirish uchun CLO 3D dan foydalangan holda kolleksiyalar yaratishni o‘rganadilar.
• To‘qimachilik texnologiyasi: Talabalar matolarning turli sharoitlarda o‘zini tutishini tahlil qilib, ularning xususiyatlarini o‘rganadilar.
• Moda marketingi: Virtual modellardan foydalanib, talabalar yakuniy mahsulotni vizuallashtirishga asoslangan marketing strategiyalarini ishlab chiqadilar.
Toshkent Kimyo xalqaro universitetining CLO 3D bilan hamkorligi davomida o‘quv jarayoni va talabalarni moda yo‘nalishi bo‘yicha tayyorlash sifatini sezilarli darajada boyitdi. O‘quv dasturiga zamonaviy texnologiyalarni joriy etish nafaqat ta’lim sifatini oshirish, balki talabalarni jadal rivojlanayotgan moda sanoatida muvaffaqiyatli karyera qilishga tayyorlash imkonini beradi. CLO 3D dan foydalanish xalqaro miqyosda raqobatlasha oladigan iqtidorli mutaxassislarni shakllantirishda muhim qadam bo‘ldi.
