Toshkent Kimyo xalqaro universitetida shaxmat boʻyicha turnir boʻlib oʻtdi
Toshkent Kimyo xalqaro universitetida shaxmat boʻyicha turnir boʻlib oʻtdi.
Maʼlumki, Oʻzbekiston Respublikasi Prezidentining 2021-yil 14-yanvardagi “Shaxmatni yanada rivojlantirish va ommaviylashtirish hamda shaxmatchilarni tayyorlash tizimini takomillashtirish chora-tadbirlari toʻgʻrisida”gi qarorida mamlakatimizda shaxmatni yanada ommalashtirish belgilangan. Shaxmat oʻyinlari talabalarda tanqidiy fikrlash va qaror qabul qilish koʻnikmalarini rivojlantirishga koʻmak beradi. Shuningdek, shaxmat turniri shunchaki oʻyin emas, balki talabalarimiz oʻrtasida aqliy chaqqonlik va sogʻlom raqobat ruhini shakllantiruvchi vositadir.
Universitetda tashkil qilingan musobaqa individual va jamoaviy toifalarni oʻz ichiga olgan boʻlib, talabalar oʻrtasida keng koʻlamli ishtirok etish va hamkorlik qilish imkonini berdi. Musobaqani shaffof oʻtishini taʼminlash maqsadida Oʻzbekiston Shaxmat Federatsiyasi, Jismoniy tarbiya va sport bo'yicha mutaxassislarni ilmiy-metodik ta'minlash, qayta tayyorlash va malakasini oshirish markazi, Jismoniy tarbiya Instituti va shaxmat boʻyicha FIDE sport ustalari mehmon sifatida taklif qilindi. Turnir turli nominatsiyalar boʻyicha eng yaxshi ishtirokchilar uchun mukofotlar bilan qiziqarli intellektual kurash boʻldi. Talabalar musobaqaga haftalar davomida tayyorgarlik koʻrishdi. Universitet rektori J.Kudaybergenov soʻzga chiqar ekan, “Biz talabalarimizga oʻzlarining strategik koʻnikmalarini namoyish etishlari uchun platforma taqdim etganimizdan faxrlanamiz. Bu kabi tadbirlar yosh oʻquvchilarda tanqidiy fikrlash va muammolarni hal qilish qobiliyatini rivojlantirishda muhim ahamiyatga ega”, deb qoʻshimcha qildi.
Qizgʻin davom etgan bahslar yakuniga koʻra yigitlar orasida:
1-oʻrin: Sulaymonov Mirabbos (Webster University)
2-oʻrin: Shaptakov Omonjon (Westminster university)
3-oʻrin: Abduxolikov Fotix (Kimyo International University in Tashkent)
Qizlar orasida
1-oʻrin: Jovliyeva Durdona (Kimyo International University in Tashkent)
2-oʻrin: Qilicheva Sarvinoz (Kimyo International University in Tashkent)
3-oʻrin: Ismoilova Aziza (Webster University)
Gʻolib va sovrindorlarga universitet raxbariyati tomonidan medal, kubok, diplom va Planshet, Smart Watch, Ipods mukofotlari topshirildi.
