Toshkent Kimyo xalqaro universiti va Koreya lift universiteti oʼrtasida hamkorlik
Koreya lift universiteti rektori boshchiligidagi delegatsiyaning Toshkent Kimyo xalqaro universitetiga tashrifi doirasida ikki universitet oʼrtasidagi hamkorlikning koʼp yoʼnalishlari boʼyicha muzokaralar olib borildi. Jumladan, ikki universitet oʼrtasida lift muxandisligi yoʼnalishida ikki tomonlama diplom dasturini yoʼlga qoʼyish va bu dastur shartlariga koʼra lift muxandisligi yoʼnalishi talabalarining 2 yil oʼqishi Toshkent Kimyo xalqaro universitetida, qolgan 2 yili esa Koreya lift universitetida tashkil qilishga kelishib olindi. Ushbu dasturni mavaffaqiyatli bitirgan talabalar kelajakda Hyundai Elevator kompaniyasining dunyodagi barcha boʼlimlarida ishlash imkoniyatiga ega boʼladilar.
Bundan tashqari, ikki universitet hamkorlikda ilmiy va amaliy loyixalar ustida ishlashi, professor-oʼqituvchilar almashinuvi va shu kabi bir qator dasturlar ustida ish olib borishi kerakligini taʼkidlandi.
Muzokaralarning ikkinchi kunida yuqorida aytib oʼtilgan dasturlar yuzasidan Toshkent Kimyo xalqaro universiti va Koreya lift universiteti oʼrtasida hamkorlik memorandumi va kelishuv shartnomalari imzolandi.
