Bakalavr dasturlari

Qurilish

Toshkent Kimyo xalqaro universitetining “Bino va inshootlar qurilishi” bakalavriat ta’lim yo‘nalishi zamonaviy qurilish sanoati uchun raqobatbardosh, innovatsion fikrlaydigan va amaliy ko‘nikmalarga ega muhandis-quruvchilarni tayyorlashga qaratilgan. Yo‘nalish bo‘yicha ilk qabul 2018-yilda amalga oshirilgan bo‘lib, kunduzgi ta’lim shaklidagi ilk bitiruvchilar 2022-yilda o‘zbek, rus va ingliz ta’lim tillari bo‘yicha muvaffaqiyatli tamomlaganlar. O‘qish muddati — 4 yil (bakalavr). 

Dastur talabalarni turar joy, sanoat va jamoat binolarini loyihalash, qurish, ekspluatatsiya qilish hamda boshqarish bo‘yicha zamonaviy bilim va amaliy tajriba bilan ta’minlaydi. Ta’lim jarayoni davomida talabalar arxitektura va qurilish sohasining muhim yo‘nalishlari, muhandislik tizimlari, qurilish texnologiyalari hamda loyiha boshqaruvi bo‘yicha chuqur bilimlarga ega bo‘ladilar.
Talabalar muhandislik grafikasi, mexanika, qurilish konstruksiyalari, qurilish materiallari, qurilish texnologiyalari va arxitektura asoslarini o‘rganish bilan bir qatorda, qurilishda mehnat xavfsizligi va sifat nazorati tamoyillarini ham puxta egallaydilar.

Amaliy mashg‘ulotlar qurilish kompaniyalari, loyiha institutlari, injiniring tashkilotlari va arxitektura byurolarida tashkil etiladi. Bu esa talabalarni real qurilish loyihalari bilan ishlashga tayyorlaydi.
Yo‘nalishning maqsadi va vazifalari
Dastur zamonaviy qurilish sohasida professional faoliyat yurita oladigan yuqori malakali muhandis-quruvchilarni tayyorlashni maqsad qiladi.
Ta’lim jarayonida talabalar:

•  zamonaviy qurilish materiallari, texnologiyalari va standartlarini o‘rganadilar;
•  bino va inshootlarni loyihalash hamda qurish bo‘yicha amaliy ko‘nikmalarga ega bo‘ladilar;
•  qurilish xavfsizligi va sifat nazorati me’yorlarini o‘zlashtiradilar;
•  AutoCAD, Revit, SketchUp kabi zamonaviy dasturiy vositalar bilan ishlashni o‘rganadilar;
•  real qurilish loyihalarida ishtirok etish orqali amaliy tajriba orttiradilar;
•  qurilish kompaniyalari, injiniring tashkilotlari va davlat boshqaruv organlarida ishlash uchun professional tayyorgarlikka ega bo‘ladilar. 

O‘quv rejasi haqida umumiy ma’lumot
“Bino va inshootlar qurilishi” yo‘nalishi zamonaviy binolar va muhandislik inshootlarini loyihalash, qurish va ularning mustahkamligini ta’minlashga qaratilgan kompleks ta’lim dasturidir.
Ta’lim davomida talabalar quyidagi asosiy yo‘nalishlar bo‘yicha bilim va ko‘nikmalarga ega bo‘ladilar:

•  qurilish asoslari va nazariyasi;
•  temirbeton, po‘lat va boshqa konstruksiyalar bilan ishlash;
•  muhandislik tizimlarini loyihalash va integratsiyalash;
•  CAD va 3D modellashtirish texnologiyalari;
•  shahar infratuzilmasi va transport tizimlari bilan uyg‘un loyihalash;
• ekologik va xavfsizlik talablariga mos qurilish standartlari;
•  energiya tejamkor va “yashil” qurilish texnologiyalari. 

Talabalar nazariy bilimlarni laboratoriya mashg‘ulotlari, amaliy loyihalar va qurilish maydonlaridagi tajribalar orqali mustahkamlaydilar. Har bir bosqichda real qurilish obyektlari bilan ishlash orqali professional kompetensiyalar rivojlantiriladi.
Xalqaro hamkorlik va ta’lim dasturlari
Yo‘nalishda talabalar va professor-o‘qituvchilar uchun turli xalqaro ta’lim va akademik almashinuv dasturlari mavjud.
Jumladan:

•  2+2 qo‘shma ta’lim dasturlari;
•  exchange dasturlari;
•  xorijda o‘qish va amaliyot o‘tash imkoniyatlari;
•  xalqaro ilmiy va akademik hamkorlik dasturlari.

Mazkur dasturlar talabalar uchun xalqaro tajriba orttirish, ilg‘or ta’lim tizimlari bilan tanishish va zamonaviy kasbiy ko‘nikmalarni egallash imkonini yaratadi.
Hamkor universitetlar:

•  Hanyang University
•  Gachon University
•  Daegu University
•  Okinawa Christian University
•  Università Europea del Design
•  Qingdao University of Technology
•  Shandong University
•  Sungshin Women’s University 

Bugungi kunga qadar Koreya Respublikasida tahsil olib qaytgan bitiruvchilar soni — 4 nafar.
Bitiruvchilarning faoliyat sohalari va diplom
“Bino va inshootlar qurilishi” yo‘nalishi bitiruvchilari qurilish va muhandislikning turli sohalarida faoliyat yuritishlari mumkin.
Faoliyat yo‘nalishlari:

•  qurilish kompaniyalari va korporatsiyalar;
•  loyihalashtirish va arxitektura firmalari;
•  davlat qurilish va nazorat organlari;
•  ilmiy-tadqiqot institutlari;
•  injiniring va konsalting kompaniyalari;
•  mustaqil loyiha va qurilish xizmatlari.

Bitiruvchilar quyidagi lavozimlarda ishlash imkoniyatiga ega:

•  muhandis-quruvchi;
•  loyiha muallifi;
•  konstruksiya muhandisi;
•  sifat nazorati muhandisi;
•  loyiha menejeri;
•  qurilish texnologiyalari mutaxassisi;
•  ilmiy tadqiqotchi yoki o‘qituvchi. 

Mutaxassislik nomi:
60730300 — Bino va inshootlar qurilishi
Kvalifikatsiya:
Muhandis-quruvchi
Yo‘nalishning yutuqlari
Yo‘nalish talabalarini zamonaviy qurilish texnologiyalari, innovatsion materiallar va ilg‘or muhandislik yechimlari bilan ishlashga tayyorlaydi.
Talabalar:

•  loyiha boshqaruvi;
•  qurilish jarayonlarini tashkil etish;
•  sifat va xavfsizlik nazorati;
•  AutoCAD va Revit dasturlari bilan ishlash;
• energiya tejamkor va ekologik binolarni loyihalash

bo‘yicha amaliy ko‘nikmalarga ega bo‘ladilar. 
Dastur zamonaviy qurilish bozori talablariga mos, texnik bilim va amaliy tajribani uyg‘unlashtira oladigan professional muhandislarni tayyorlashga xizmat qiladi.