Bugun Toshkent Kimyo xalqaro universitetida “Taʼlim: kelajakka nazar” (TIPF 2023) nomli Toshkent xalqaro pedagogik forumi oʻz ishini boshladi

Gibrid shaklda tashkil qilingan forumda online va offline tarzda ishtirok etish imkoniyati yaratildi.

Forum butun dunyo boʻylab koʻplab universitetlarning tadqiqotchilari va amaliyotchilariga yangi gʻoyalar, tadqiqot natijalari va paydo boʻlayotgan mavzularni taqdim etish, almashish va muhokama qilish imkonini berdi. Forum taʼlim tizimini rivojlantirish, taʼlim va oʻqitishda innovatsiyalarni qoʻllab-quvvatlash, shuningdek, Markaziy Osiyo mintaqasida va butun dunyoda yuqori malakali pedagog kadrlar tayyorlash boʻyicha xalqaro ilmiy muloqot va almashinuv markaziga aylandi. Forum doirasida fan va texnologiyaning ustuvor yoʻnalishlari boʻyicha bir qator tadqiqot konferensiyalari, seminarlar va amaliy mashgʻulotlar tashkil qilindi.

Ertaga forumning ikkinchi kuni boʻlib oʻtadi.