Safar davomida vakillarimizni Praga shahrida joylashgan Chexiya tabiiy fanlar universitetiga taklif qilishdi
Safar davomida vakillarimizni Praga shahrida joylashgan Chexiya tabiiy fanlar universitetiga taklif qilishdi. Tashrif davomida mehmonlarga “Iqtisodiyot va menejment” kafedrasi rahbari, prof. Jan Hucko va xalqaro hamkorlik boʻyicha dekan oʻrinbosari, prof. Karel Tomsik hamkorlik qildilar. Vakillarimizga universitet va uning faoliyati hamda u yerda yaratilgan sharoitlar tanishtirildi. Soʻng, A.Vaxobov Toshkent Kimyo xalqaro universiteti, uning kelgusidagi faoliyati va loyihalar haqida taqdimot qildi. Shu bilan birga, ikki universitet oʻrtasida hamkorlikni yoʻlga qoʻyish, jumladan, taʼlim sohasidagi loyihalarni birgalikda amalga oshirish istiqbollari muhokama qilindi.
Eslatib oʻtamiz, Chexiya tabiiy fanlar universiteti 100 yillik tarixga ega Yevropaning nufuzli universitetlari qatoriga kiradi. Universitetning asosiy maqsadi - uzoq muddatli, har bir talabaning iqtisodiy, ilmiy, ijodiy, akademik, madaniy va ijtimoiy qobiliyatlarini oshirishga qaratilgan oliy va kompleks taʼlimni taklif qilishdir.
