KIUT professor-o‘qituvchilari Janubiy Koreyada malaka oshirdi
Toshkent Kimyo xalqaro universitetining Pedagogika yo‘nalishida faoliyat yurituvchi 13 nafar professor-o‘qituvchisi Janubiy Koreyaning Sunchon Milliy universitetida malaka oshirish dasturida ishtirok etdi.
Dastur davomida ustozlar zamonaviy ta’lim metodikasi, dars jarayonini samarali tashkil etish va ilg‘or pedagogik yondashuvlar bo‘yicha bilim hamda tajribalarini oshirdilar. Shuningdek, koreyalik mutaxassislar bilan tajriba almashib, ta’limda qo‘llanilayotgan zamonaviy usullar bilan yaqindan tanishdilar.
Sunchon Milliy universiteti — KIUTning Janubiy Koreyadagi hamkor universitetlaridan biri. Mazkur dastur ikki universitet o‘rtasidagi akademik hamkorlik doirasida tashkil etildi
