Toshkent Kimyo xalqaro universiteti Birlashgan Millatlar Tashkilotining Global Compact dasturi ko‘magida faoliyat yurituvchi Principles for Responsible Management Education (PRME) tashabbusining rasmiy a’zosi bo‘ldi.
2026-yil 14-may kuni universitet mas’ul boshqaruv ta’limi va barqaror rivojlanishni ilgari suruvchi 850 dan ortiq oliy ta’lim muassasalari jamlangan xalqaro tarmoqqa qo‘shildi. Mazkur a’zolik doirasida KIUT ta’lim, ilmiy tadqiqotlar va hamkorlik faoliyatiga PRMEning yetti tamoyilini integratsiya qilish, mas’uliyatli liderlikni rivojlantirish hamda BMTning Barqaror rivojlanish maqsadlarini (SDGs) akademik jarayonlarga keng joriy etishni maqsad qilgan.
