Qozog‘istonlik magistrantlar Toshkent Kimyo xalqaro universitetida ilmiy amaliyot o‘tadilar
Saginov nomidagi Qarag‘anda texnika universiteti magistrantlari akademik mobillik dasturi doirasida Toshkent Kimyo xalqaro universitetida ilmiy amaliyot o‘tadilar.
Universitetning “Qurilish” kafedrasi va magistratura bo‘limi hamkorligida tashkil etilgan amaliyot davomida qozog‘istonlik magistrantlar o‘z yo‘nalishlari bo‘yicha bilim va ko‘nikmalarini mustahkamlash, ilmiy tajriba almashish hamda universitetning ta’lim va tadqiqot muhiti bilan yaqindan tanishish imkoniyatiga ega bo‘ldilar.
Tashrif faqat ilmiy faoliyat bilan cheklanmadi. Mehmonlar O‘zbekistonning tarixiy obidalari va madaniy merosi bilan ham tanishib, mamlakatimiz haqidagi tasavvurlarini boyitdilar.
Ilmiy amaliyot yakunida dasturni muvaffaqiyatli tamomlagan magistrantlarga maxsus sertifikatlar topshirildi.
Mazkur hamkorlik ikki universitet o‘rtasidagi akademik aloqalarni mustahkamlash, magistrantlarning ilmiy faoliyatini qo‘llab-quvvatlash va xalqaro akademik mobillik imkoniyatlarini kengaytirishga xizmat qilmoqda.
