“Shon-sharaf” muzeyida “Ikkinchi jahon urushi xotiralarda” tanlovi g‘oliblari taqdirlandi
1 may kuni “Shon-sharaf” davlat muzeyida 9 may — “Xotira va qadrlash kuni” hamda fashizm ustidan g‘alabaning 80 yilligiga bag‘ishlangan “Ikkinchi jahon urushi xotiralarda” ijodiy ishlar ko‘rik-tanlovi g‘oliblarini taqdirlash marosimi bo‘lib o‘tdi.
Toshkent Kimyo xalqaro universiteti “Rangtasvir” yo‘nalishi talabasi Yulduz Rajabova Gran-pri (oliy o‘rin) sovrindori bo‘ldi. Shuningdek, mazkur yo‘nalish katta o‘qituvchisi Karim Umirov 1 o‘rinni, talabalar Raksana Gaibova, Masrur Mamatqulov, Lazizjon G‘ulomov, Umida Dustmuradova va Abbos Bobomuradov faxrli o‘rinlarni qo‘lga kiritdilar.
Tanlov Mudofaa vazirligi, O‘zbekiston Badiiy akademiyasi, Oliy ta’lim, fan va innovatsiyalar vazirligi va boshqa tashkilotlar hamkorligida tashkil etildi.
