Texnologiya va san’atning uyg‘unlashuvi: jamiyat muammolariga innovatsion yechimlar
Toshkent Kimyo xalqaro universitetida “Art Engineering” ko‘rgazmasining ochilish marosimi bo’lib o’tdi.
Ochilish marosimida, O‘zbekiston oliy ta’lim, fan va innovatsiyalar vaziri Kongratbay Sharipov, Bolgariyaning Varna menejment universiteti prezidenti prof. Todor Radaev, Qozog‘istonning Almaty management universiteti rektori Kurenkeeva Gulnara kabi qator nufuzli mehmonlar ishtirok etishdi.
Art engineering - zamonaviy dunyoda texnologiya va san’atning uyg‘unlashuvidan kelib chiqqan muhim sohalardan biridir. Bu soha inson yaratgan estetik va funksional asarlarni texnik yondashuv orqali amalga oshiradi. Art engineering, asosan muhandislik va san’at sohalarini birlashtirgan holda, yangi va innovatsion yondashuvlarni tatbiq etadi.
Art engineering tarixi uzoq davrlarga borib taqaladi. Qadim zamonlardan beri insonlar estetik jihatdan chiroyli va bir vaqtning o‘zida funksional buyumlar yaratishga intilganlar. Misol uchun, qadimgi Misr piramidalari, Rim arxitekturasi va Yunon san’ati bunga misol bo‘la oladi. Biroq, zamonaviy art engineering asosan XIX asr oxiri va XX asr boshlarida, sanoat inqilobi va texnologik rivojlanishlar davrida shakllangan.
Koʻrgazmada ishtirokchilar ekologik muammolar, ijtimoiy adolatsizliklar, uyali telefonlarning inson vujudining ajralmas boʻlagiga aylanganligi va boshqa dolzarb mavzularni yorituvchi sanʼat asarlari bilan tanishdilar. Barcha qiziqqanlar ushbu oʻziga xos va ilhomlantiruvchi tadbirga 20 maydan 24 may kuniga qadar tashrif buyurishlari mumkin.
